Ás 19:00h do día 28/2/2024, no edificio das escolas de Ponteceso, reunímonos a ANPA e un grupo de Nais e Pais interesados no servizo de Madrugadores con representantes do Concello.
Por parte do concello, acudiron so Sr. Alcalde José Manuel Mato Martínez, a Concelleira de Servicios Sociais, Sanidade, Igualdade, Muller, Familia e Educación María José Álvarez Bugallo e a Educadora Familiar María Dolores Blanco Verdía.
Expuxemos de inicio a situación actual da proposta, que foi a seguinte:
Os membros da ANPA do CEIP Eduardo Pondal, mantiveron reunións co Concello para trasladarlles a necesidade de varios pais e nais dun servizo de madrugadores que permita conciliar a crianza cos traballos.
Dende o primeiro momento, tanto o centro educativo en canto a disposición e o Concello, se mostraron predispostos a levar adiante esta iniciativa, posto que é de moito valor para as familias que realmente o precisan.
Tras ese primeiro contacto, a ANPA realiza un sondeo a través das redes sociais e dun formulario na web no que en torno a 20 familias, con un total de 25 nenos (cifras aproximadas) están interesadas nese servizo.
O seguinte paso era realizar esta reunión, para aclarar por parte do Concellos as necesidades e características do servizo.
Como é un servizo que se vai poñer en marcha de cero, e como tamén arrancamos esta iniciativa tras o peche dos presupostos, o Concello indícanos a nos e ás familias que necesita un compromiso por parte das nais e pais, e recalcan que as familias que fagan a solicitude do servizo, teñen que ter en conta que esa solicitude é vinculante e require un compromiso por parte das familias para que o servizo se poda levar a cabo.
Estipúlase aproximadamente que o mínimo para o servizo son 10 nenos/as. Tamén tratamos por riba a posibilidade de que se leven días soltos, e diferentes opcións, pero estas serán tratadas en futuras reunións cando se concrete que o interese real da proposta permite levala a inicio.
Tamén falamos, de entrada dun horario de 7:30 a 9:00 (xa os levarían para o colexio) pero esto é orientativo, posto que será cando se negocie ca empresa e cando se vexan as necesidades das familias cando esto se concrete.
O prezo do servizo, polo de agora é complicado de calcular porque dependerá das empresas que se presenten á oferta, e temos como referencia concellos da volta pero tamén sabemos que ca suba de prezos dos últimos meses, posiblemente eses prezos se vexan incrementados un chisco. É algo que se irá vendo aínda que as cantidades nas que se moven pola volta son uns 35€/40€ mensuales (calculamos algo máis posiblemente) e 4-5€ día solto. Repetimos, son cantidades orientativas a falta de coñecer os prezos finais.
Pero son cantidades totalmente orientativas.
A partires desta reunión, as familias interesadas teñen que facer unha solicitude a través da sede electrónica do concello indicando os seguintes puntos.
- Nome do/a Pai/Nai interesado/a
- Nº de nenos que necesitan o servizo
- Idade dos nenos
- Horario que necesita
- Nº de días que necesitaría o servizo
- Almorzo si ou non
- Alerxias alimentarias
- Necesidade especiais
A maneira máis rápida de facer a solicitude é a través da sede electrónica, pero tamén hai outras opcións:
- Sede electrónica
- Acudir ao concello
- Telefónicamente (Loli: 881 983 223)
Dende a ANPA, poñémnos a vosa disposición plenamente para resolver calquer duda na que vos podamos axudar.
Se tedes dúbidas con como funciona o sistema da sede electrónica, podedes escribirnos polo whatsapp do grupo, no apartado de “Suxerencias” sen problema e atenderémosvos encantados.
Senón sempre podedes usar as outras vías.
O importante é realizar a solicitude canto antes para que en 15 días, cando volvamos a reunirnos cos representantes do Concello, haxa xa un número de solicitudes que permitan iniciar o servizo.
A próxima reunión, salvo cambios, será o 15 de Marzo, no edificio das escolas. O horario está por concretar.
Como último, animárvos a todas e todos os que necesitedes deste servizo a apuntarse canto antes e a correr a bola a todas aquelas familias que poidan estar interesadas.
Un saúdo de parte da ANPA do CEIP Eduardo Pondal