Camiño Sen Límites

O vindeiro sábado 17 de marzo dará comezo a primeira etapa do Camiño sen Límites 2018. De Caión a Baldaio.

Vai ser un roteiro moi especial que dende a directiva da ANPA recomendamos encarecidamente a todas as familias.

Para participar nel só tes que cubrir un formulario na páxina de FEDANPAs e descargar un documento que terás que cubrir e entregar o día do roteiro.

Anímate. Ven gozar da natureza, da boa compaña, da inclusión en todos os ámbitos da vida, da ciencia, da cultura…

Data límite para inscribirse: 14 de marzo

 

 

CAMIÑO SEN LÍMITES 2018

Presentación da 3.ª edición do Camiño SenLímites no local da Federación provincial de ANPAs da Coruña-Costa da Morte (Carballo) o 16 de febreiro, ás 19:00h

A Federación de ANPA da Costa da Morte e a Asociación Rompendo Límites convidan as entidades e persoas que desexen participar á presentación da 3.ª edición do Camiño SenLímites.

Que é o Camiño SenLímites?

É unha senda inclusiva que percorre parte do camiño que une, pola beira do mar, a Costa da Morte, organizada pola Federación Provincial de ANPAS da Coruña – Costa da Morte, en colaboración coa Asociación Deportiva e Cultural Rompendo Límites, ao que se suman máis entidades, posto que este é un proxecto colectivo aberto. E que agardamos siga a medrar!

O Camiño SenLímites 2018 está baseado no traballo cooperativo entre a comunidade educativa e outros colectivos, na inclusión educativa e en todos os ámbitos da vida.

O resultado desemboca o 17 de marzo do 2018 nuns roteiros que fan de fíos condutores ou de soporte para a realización de diversas actividades en equipo.

No Camiño SenLímites poden participar grupos de persoas diversos. Consta de 12 roteiros que inclúen diversas actividades como visitas a museos, charlas diversas (historia e historias da zona e outras actividades socioeducativas,… ) en comunidade e coa colaboración de distintos ponentes.

Como é concibido o Camiño SenLímites?

É unha estratexia inclusiva. A través del colaboramos na visibilización do necesario que é abordar e responder á diversidade de persoas e, asemade, sensibilizar na necesidade de reducir a exclusión dentro e  fóra do sistema educativo. Axuda a que todas e todos nos sintamos cómodos na diversidade na que vivimos, percibíndoa non como un problema, senón tamén como unha oportunidade para enriquecer as formas de ensinar, aprender e convivir.

Historia

Por febreiro de 2015, tras unha reunión da Federación Provincial de ANPAs da Coruña – Costa da Morte, consideramos que podiamos organizar un “Camiño Inclusivo”.

En febreiro de 2016, volvemos a retomar o  tema e, despois de varias reunións con diversos colectivos…arrincamos!!!

En abril de 2016, comezou a primeira etapa e o 25 de xuño rematabamos o que se convertiu no “Camiño SenLímites”. Pasiño a  pasiño foi medrando este equipo, o que permite que as persoas e asociacións participantes poidamos beneficiarnos e gozar da natureza.

A quen vai dirixido?

A todas as persoas (sen límite de idade),  entidades, clubes deportivos… que queiran desfrutar deste camiño. A inscrición (gratuita) é de xeito individual ou colectivo a través de entidades deportivas, colectivos de Necesidades Específicas, ANPAs,asociacións diversas,…

As entidades que participen deberán traer os seus propios monitores/as, aínda que se contará con voluntariado para lle botar unha man para quen así o precisar.

Cantas etapas son e cando?

Son 12 roteiros inclusivos, que comezan o 17 de marzo de 2018 e rematan o 27 de outubro 2018, realizados en sábados pola tarde.

Pódese asistir ás etapas que se queira, non hai un mínimo nin un máximo, pódese participar nas que apeteza.

ÁREA DE COMUNICACIÓN Federación Provincial de ANPAs da Coruña – Costa da Morte

www.fedanpas.org

www.anpasgalegas.org

 

VISITA DOS REIS MAGOS

As súas maxestades os Reis Magos de Oriente, xunto cos seus paxes,  fixeron unha parada no noso colexio o pasado xoves 21 de decembro. A sorpresa foi maior cando os nenos e nenas descubriron o lote de agasallos que traían este ano, para o disfrute de todos e todas.

Isto foi posible grazas ao apoio económico do Concello de Ponteceso.

O equipo que formamos a directiva da ANPA desexámosvos unhas moi FELICES FESTAS e un venturoso 2018.

 

Comunicado “Xogando coa lingua”(Inglés 16/17)

Informamos que na asemblea extraordinaria celebrada o 2 de outubro de 2017 se acordou a devolución do importe correspondente ao remanente da actividade de Inglés, “Xogando coa lingua”, do curso pasado 2016/17 a todos os asociados que participaron en dita actividade.

O prazo de entrega remata o 24 de novembro.

No seguinte documento explícase o procedemento.

Certificado Inglés

Grazas a todos/as pola vosa  participación.

I liga de xadrez entre ANPAs

Todo un éxito de participación e organización nesta primeira xornada de liga de xadrez entre ANPAs celebrada en Ponteceso a tarde do sábado na Biblioteca Municipal, como podedes observar nas imaxes.

Agradecementos a Federación Provincial de ANPAs da Coruña_Costa da Morte como entidade organizadora e o Concello de Ponteceso e Concellería de Educación pola súa colaboración cas merendas e agasallos aos participantes. Agradecer tamén a Dolores e a Julia pola súa desinteresada axuda.

Vémonos no próximo torneo que celebrará este vindeiro sábado 4 de novembro no andar superior do Mercado Municipal de Carballo.

LIGA DE XADREZ entre ANPAs

Rematado o prazo de Inscrición para a liga de xadrez das ANPAs (federación provincial de ANPAs da Coruña – Costa da Morte), inscribíronse 113 alumnas e alumnos para unha liga que se desenvolverá entre os meses de outubro e novembro.
Agora formaranse equipos entre as distintas ANPAs da federación de ANPAS da Coruña – Costa da Morte, a realizar en tres xornadas (con competicións múltiples en cada unha delas)

A primeira xornada de liga realizarase na Biblioteca Municipal de Ponteceso. O noso concello promove e colabora neste evento.

A presentación será ás 16:00 e o torneo dará comezo ás 16:30

Bases I Liga das ANPAs

 

Liga de xadrez entre ANPAs

Esta liga desenvolverase entre os meses de outubro e novembro  (os sábados pola tarde), formando equipos entre as distintas ANPA da federación de ANPAS da Coruña – Costa da Morte, a realizar en tres xornadas de tarde. As alumnas e alumnos só necesitarán saber previamente como colocar as pezas e os seus movementos no taboleiro.
Non se busca alcanzar determinado resultado, senón popularizar esta actividade. Para complementar a metodoloxía lúdica, ao remate de cada xornada haberá unha pequena festa con aperitivos para todas e todos os participantes.

AINDA NON TE ANOTACHES? A QUE ESPERAS? O prazo de inscrición remata o 10 de outubro.

Inscríbete neste formulario: https://docs.google.com/forms/d/e/1FAIpQLSc-5UHl34QJsvoUoXhgfdlDs04DQk1DtIzktikPjzRF2VilOQ/viewform?fbzx=-428523804643328200

10 nenos e nenas do Colexio Eduardo Pondal xa o fixeron.

XORNADAS DE LIGA:

  • Ponteceso: 28 de outubro
  • Carballo: 4 de novembro
  • Mazaricos: 18 de novembro

PROGRAMA DE PROMOCIÓN DO XADREZ ESCOLAR

Cada vez son máis os colexios que dunha maneira ou outra teñen contacto co xadrez en distinta forma: clases extraescolares, actividade deportiva ou como recurso educativo para outras disciplinas especialmente matemáticas.

En canto obxectivos, o xadrez escolar pretende acadar o desenvolvemento e a formación do neno. Privilexia o desenvolvemento da intelixencia, a creatividade, a recuperación da experiencia, xunto á formación de valores e os aspectos socio-afectivos tanto de cada neno en particular, como do grupo en xeral.

O Programa de promoción do xadrez escolar é unha iniciativa do Club Xadrez Cabo Touriñán de Muxía, consistente en ofertar unha serie de accións de formación e exhibición de xadrez en colexios e centros de ensino de toda a Costa da Morte.

O obxectivo do Cabo Touriñán, é formar aos alumnos no  coñecemento básico e as regras do xogo, así como impartir contidos xadrecísticos e formar equipos, para a organización dun torneo que sirva de modelo.

En datas posteriores pódese participar, se é de interese das crianzas, en campionatos provinciais (xaneiro 2018), galego (marzo 2018), estatal (xuño 2018) ou mundial (novembro 2018, en Santiago de Compostela).

 

Acordouse organizar, de xeito lúdico, unha LIGA ENTRE ANPAs,  unha liga non competitiva que nace co obxectivo de fomentar o xadrez entre as crianzas en idade escolar.

Esta liga desenvolverase entre os meses de outubro e novembro (en principio serán os sábados pola tarde), formando equipos entre as distintas ANPAs da Federación de ANPAS da Coruña – Costa da Morte, a realizar en tres xornadas de tarde. As alumnas e alumnos só necesitarán saber previamente como colocar as pezas e os seus movementos no taboleiro.

Non se busca acadar determinado resultado, senón popularizar esta actividade. Para complementar a metodoloxía lúdica, ao remate de cada xornada haberá unha pequena festa con aperitivos para todas e todos os participantes.

 

Inscricións:

Fíxase, como  data tope, o 10 de outubro. O alumnado interesado en participar na liga deberán comunicarllo a algún membro da directiva da ANPA Pondal a través do whatsapp ou por correo electrónico.

 

Onde terán lugar os campionatos da liga escolar:

Ponteceso – 28 de outubro (Na Biblioteca Municipal)

Carballo – 4 de novembro.

Mazaricos – 18 de novembro.

 

XADREZ COMO ACTIVIDADE EXTRAESCOLAR

A ANPA ten interese en promover o xadrez como actividade extraescolar. Para poder levar a cabo esta actividade durante o curso 2017/18 é necesario que se inscriban un número mínimo de 10 nenos/as (de 3 a 12 anos). A actividade sería impartida por un membro da Federación Galega de xadrez en horario de tarde (sin determinar). A actividade tería un custo entre 10 e 15 euros por neno/a.

ASEMBLEA XERAL ORDINARIA

Estimadas familias:

Pola presente queda convocada Asemblea Xeral Ordinaria o venres 22 de setembro ás 19:30 h.en primeira convocatoria e as 20:00 h. en segunda convocatoria na aula superior do Edificio das Escolas ca seguinte Orde do día:

  1. Presentación da actividade sobre Robótica educativa
  2. Presentación de “Xogando coa lingua” (Inglés) 2017/18
  3. Lectura e aprobación da acta anterior
  4. Memoria actividades 2016-2017
  5. Presentación e aprobación das contas do curso escolar 2016-2017
  6. Modificación da xunta directiva. (Renovación de vogais)
  7. Próximas actuacións da ANPA: Robótica, xadrez…
  8. Turno de rogos e preguntas

RENOVACIÓN ANUAL DE SOCI@S

A Asociación de nais e pais do CEIP Eduardo Pondal realiza a renovación anual de soci@s, polo que esperamos a súa colaboración para axudar a mellorar a educación dos nosos fillos e fillas. Para levarmos a cabo esta tarefa precisamos contar con moitas persoas asociadas: é o mellor xeito de facer máis forza, conseguir máis axudas e organizar máis actividades.

Renove a súa filiación ou fágase soci@ cubrindo a inscripción de abaixo e mandándoa polo seu fillo/a ao colexio.

A cuota anual de soci@s é de 12 € por familia. Grazas pola vosa colaboración.

————————————————————————————————————————-

INSCRIPCIÓN ALTA SOCIO ANPA CEIP PONDAL PONTECESO

INGRESO BANCO SANTANDER nº de conta ES55 0049 6641 7321 9003 9676

NOME E APELIDOS DA NENA/O

__________________________________________________________________

NOME DA NAI/PAI

________________________________________________

CURSO

________________________________________________

TELÉFONO

________________________________________________

1 2 3 4 12