Visita de APADAN

Esta semana recibimos no colexio a visita da APADAN, asociación protectora de animais domésticos do noroeste, para impartir unha charla sobre o traballo que desempeñan.

Estamos moi satisfeitas coa recaudación conseguida. Grazas aos donativos de particulares e a axuda desinteresada do Centro Veterinario A Ponte poidemos mercar:  50 collares, 52 litros de lexivia, 10 litros de bactericida, 4 botes de sanitol, 4 caixas de galletas, 222 latas de comida e 72 sobres de comida húmida.

Camiño Sen Límites

O vindeiro sábado 17 de marzo dará comezo a primeira etapa do Camiño sen Límites 2018. De Caión a Baldaio.

Vai ser un roteiro moi especial que dende a directiva da ANPA recomendamos encarecidamente a todas as familias.

Para participar nel só tes que cubrir un formulario na páxina de FEDANPAs e descargar un documento que terás que cubrir e entregar o día do roteiro.

Anímate. Ven gozar da natureza, da boa compaña, da inclusión en todos os ámbitos da vida, da ciencia, da cultura…

Data límite para inscribirse: 14 de marzo

 

 

VISITA DOS REIS MAGOS

As súas maxestades os Reis Magos de Oriente, xunto cos seus paxes,  fixeron unha parada no noso colexio o pasado xoves 21 de decembro. A sorpresa foi maior cando os nenos e nenas descubriron o lote de agasallos que traían este ano, para o disfrute de todos e todas.

Isto foi posible grazas ao apoio económico do Concello de Ponteceso.

O equipo que formamos a directiva da ANPA desexámosvos unhas moi FELICES FESTAS e un venturoso 2018.

 

Comunicado “Xogando coa lingua”(Inglés 16/17)

Informamos que na asemblea extraordinaria celebrada o 2 de outubro de 2017 se acordou a devolución do importe correspondente ao remanente da actividade de Inglés, “Xogando coa lingua”, do curso pasado 2016/17 a todos os asociados que participaron en dita actividade.

O prazo de entrega remata o 24 de novembro.

No seguinte documento explícase o procedemento.

Certificado Inglés

Grazas a todos/as pola vosa  participación.

I liga de xadrez entre ANPAs

Todo un éxito de participación e organización nesta primeira xornada de liga de xadrez entre ANPAs celebrada en Ponteceso a tarde do sábado na Biblioteca Municipal, como podedes observar nas imaxes.

Agradecementos a Federación Provincial de ANPAs da Coruña_Costa da Morte como entidade organizadora e o Concello de Ponteceso e Concellería de Educación pola súa colaboración cas merendas e agasallos aos participantes. Agradecer tamén a Dolores e a Julia pola súa desinteresada axuda.

Vémonos no próximo torneo que celebrará este vindeiro sábado 4 de novembro no andar superior do Mercado Municipal de Carballo.

LIGA DE XADREZ entre ANPAs

Rematado o prazo de Inscrición para a liga de xadrez das ANPAs (federación provincial de ANPAs da Coruña – Costa da Morte), inscribíronse 113 alumnas e alumnos para unha liga que se desenvolverá entre os meses de outubro e novembro.
Agora formaranse equipos entre as distintas ANPAs da federación de ANPAS da Coruña – Costa da Morte, a realizar en tres xornadas (con competicións múltiples en cada unha delas)

A primeira xornada de liga realizarase na Biblioteca Municipal de Ponteceso. O noso concello promove e colabora neste evento.

A presentación será ás 16:00 e o torneo dará comezo ás 16:30

Bases I Liga das ANPAs

 

Liga de xadrez entre ANPAs

Esta liga desenvolverase entre os meses de outubro e novembro  (os sábados pola tarde), formando equipos entre as distintas ANPA da federación de ANPAS da Coruña – Costa da Morte, a realizar en tres xornadas de tarde. As alumnas e alumnos só necesitarán saber previamente como colocar as pezas e os seus movementos no taboleiro.
Non se busca alcanzar determinado resultado, senón popularizar esta actividade. Para complementar a metodoloxía lúdica, ao remate de cada xornada haberá unha pequena festa con aperitivos para todas e todos os participantes.

AINDA NON TE ANOTACHES? A QUE ESPERAS? O prazo de inscrición remata o 10 de outubro.

Inscríbete neste formulario: https://docs.google.com/forms/d/e/1FAIpQLSc-5UHl34QJsvoUoXhgfdlDs04DQk1DtIzktikPjzRF2VilOQ/viewform?fbzx=-428523804643328200

10 nenos e nenas do Colexio Eduardo Pondal xa o fixeron.

XORNADAS DE LIGA:

  • Ponteceso: 28 de outubro
  • Carballo: 4 de novembro
  • Mazaricos: 18 de novembro

ASEMBLEA XERAL ORDINARIA

Estimadas familias:

Pola presente queda convocada Asemblea Xeral Ordinaria o venres 22 de setembro ás 19:30 h.en primeira convocatoria e as 20:00 h. en segunda convocatoria na aula superior do Edificio das Escolas ca seguinte Orde do día:

  1. Presentación da actividade sobre Robótica educativa
  2. Presentación de “Xogando coa lingua” (Inglés) 2017/18
  3. Lectura e aprobación da acta anterior
  4. Memoria actividades 2016-2017
  5. Presentación e aprobación das contas do curso escolar 2016-2017
  6. Modificación da xunta directiva. (Renovación de vogais)
  7. Próximas actuacións da ANPA: Robótica, xadrez…
  8. Turno de rogos e preguntas

RENOVACIÓN ANUAL DE SOCI@S

A Asociación de nais e pais do CEIP Eduardo Pondal realiza a renovación anual de soci@s, polo que esperamos a súa colaboración para axudar a mellorar a educación dos nosos fillos e fillas. Para levarmos a cabo esta tarefa precisamos contar con moitas persoas asociadas: é o mellor xeito de facer máis forza, conseguir máis axudas e organizar máis actividades.

Renove a súa filiación ou fágase soci@ cubrindo a inscripción de abaixo e mandándoa polo seu fillo/a ao colexio.

A cuota anual de soci@s é de 12 € por familia. Grazas pola vosa colaboración.

————————————————————————————————————————-

INSCRIPCIÓN ALTA SOCIO ANPA CEIP PONDAL PONTECESO

INGRESO BANCO SANTANDER nº de conta ES55 0049 6641 7321 9003 9676

NOME E APELIDOS DA NENA/O

__________________________________________________________________

NOME DA NAI/PAI

________________________________________________

CURSO

________________________________________________

TELÉFONO

________________________________________________

1 2 3